გურამ მაჭარაშვილი კანდელაკის „კვლევაზე“: „ნაცმოძრაობა“ და მისი მხარდამჭერები, ყოფილი თუ ახლანდელი ლიდერები რა თქმა უნდა გაბრაზებულები არიან, გადაფსიხებულები არიან საქართველო-ამერიკის ურთიერთობის ნორმალიზებით
„ნაცმოძრაობა“ და მისი მხარდამჭერები, ყოფილი თუ ახლანდელი ლიდერები რა თქმა უნდა გაბრაზებულები არიან, გადაფსიხებულები არიან საქართველო-ამერიკის ურთიერთობის ნორმალიზებით, - განაცხადა პარტია „ხალხის ძალის“ აღმასრულებელმა მდივანმა გურამ მაჭარაშვილმა.
მისივე თქმით, ოპოზიციას სურს ამერიკას დაანახოს, რომ თურმე საქართველო ამზადებს ტერორისტებს ირანის სასარგებლოდ.
„რა დონეზე უნდა გეზიზღებოდეს საკუთარი ქვეყანა, რომ აბრალებდე ვითომ ტერორისტების მომზადებას იმიტომ, რომ მეორე დიდი სახელმწიფო თავს დაესხას საქართველოს, როგორც ტერორისტული აქტების მომწყობ ქვეყანას. თავს ესხმიან საკუთარ ქვეყანას და პასუხი უნდა აგონ. მე ვფიქრობ, რომ ამ განცხადებასთან დაკავშირებითაც შესაბამისმა უწყებებმა მოკვლევა უნდა დაიწყონ“, - აღნიშნა მაჭარაშვილმა.
„ქართული ოცნების“ ხელმძღვანელობით, თბილისი ირანელი რეკრუტირებისა და ტერორისტული ოპერაციების ნაყოფიერ ნიადაგად იქცა, - ამ სათაურით აქვეყნებს ამერიკული გამოცემა The Washington Free Beacon სტატიას, რომლის ავტორი, ადამ კრედო, ოპოზიციის მხარდამჭერების - ჯო უილსონისა და ლუკ კოფის გარდა, ოპოზიციონერ გიორგი კანდელაკის განცხადებებსაც ეყრდნობა.
კანდელაკი აცხადებს, რომ ალ-მუსტაფას, რომელიც დონალდ ტრამპმა 2020 წელს ტერორისტულ ორგანიზაციად გამოაცხადა, საქართველოში უნივერსიტეტის სამი კამპუსი აქვს.
