ტრამპი: Patriot-ის სისტემა წარმოუდგენელია, თუმცა ძალიან ფრთხილად უნდა ვიყოთ, ვიდრე ვინმეს მის წარმოებას ვანდობთ - არსებობენ ადამიანები, რომლებსაც თუ ამ ტექნოლოგიას მისცემ, შესაძლოა ერთ დღესაც შენ წინააღმდეგ შემობრუნდნენ
აშშ-ის პრეზიდენტმა, დონალდ ტრამპმა უკრაინისთვის მაღალტექნოლოგიური შეიარაღების გადაცემისა და ადგილობრივად წარმოების უფლების მინიჭების შესახებ ისაუბრა. ტრამპის თქმით, ამერიკული სამხედრო ტექნოლოგიების გაზიარება სერიოზულ რისკებთან არის დაკავშირებული.
„ეს იარაღი [Patriot-ი] წარმოუდგენელია, თუმცა ძალიან ფრთხილად უნდა ვიყოთ, ვიდრე ვინმეს მის წარმოებას ვანდობთ. იცით, ეს უაღრესად მნიშვნელოვანია. ახლა ჩვენ უამრავ ქარხანას ვაშენებთ ამისა და სხვა შეიარაღების დასამზადებლად... Tomahawk-ის რაკეტა ყველაზე წარმოუდგენელი რამაა“, - აღნიშნა აშშ-ის პრეზიდენტმა.
„ახლა, ჩვენ ამაზე არ დავთანხმებულვართ, განხილვის პროცესში ვართ, მაგრამ ასეთი ტექნოლოგიის გადაცემა რთული რამაა. არ მგონია ეს ოდესმე მოხდეს, მაგრამ ხომ იცით, არსებობენ ადამიანები, რომლებსაც თუ ამ ტექნოლოგიას მისცემ, შესაძლოა ერთ დღესაც შენ წინააღმდეგ შემობრუნდნენ. იცით, ეს შესაძლებელია. ომებს თუ გადახედავთ, ასეთი რამ წლების განმავლობაში რამდენჯერმე მომხდარა, ხომ ასეა? ასე რომ, ძალიან ფრთხილად უნდა ვიყოთ“, - დასძინა მან.
TWITTER POST
იმედი
წყარო: imedinews.ge