გურამ მაჭარაშვილი: მინდა საზოგადოების იმ ნაწილს მივმართო, ვინც ავრცელებს ინფორმაციას, რომ ვახო სანაია დააკავეს გამოხატვის თავისუფლებისთვის, სიტყვის თავისუფლებისთვის. ვახო სანაია დააკავეს იმისთვის, რომ არაერთგზის შეურაცხყოფას აყენებდა კონკრეტულ პოლიტიკურ თანამდებობის პირებს

ვახო სანაია დააკავეს იმისთვის, რომ არაერთგზის შეურაცხყოფას აყენებდა კონკრეტულ პოლიტიკურ თანამდებობის პირებს, - განუცხადა ჟურნალისტებს „ხალხის ძალის“ აღმასრულებელმა მდივანმა გურამ მაჭარაშვილმა.

კერძოდ, ჟურნალისტ ვახო სანაიას 14-დღიანი ადმინისტრაციული პატიმრობა შეეფარდა სოციალურ ქსელში პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ დაწერილი პოსტის გამო.

„მინდა საზოგადოების იმ ნაწილს მივმართო, ვინც ავრცელებს ინფორმაციას, რომ ვახო სანაია დააკავეს გამოხატვის თავისუფლებისთვის, სიტყვის თავისუფლებისთვის. ვახო სანაია დააკავეს იმისთვის, რომ არაერთგზის შეურაცხყოფას აყენებდა კონკრეტულ პოლიტიკურ თანამდებობის პირებს.

მოვიყვანთ სტრასბურგის საერთაშორისო სასამართლოს მაგალითს, რომელმაც 7 ამა წლის ივლისს გამოიტანა გადაწყვეტილება სლოვენიის წინააღმდეგ. სხვათა შორის აქაც ჟურნალისტი უჩიოდა სლოვენიას, სახელმწიფოს, სადაც ამ ჟურნალისტს მიუსაჯეს არა ადმინისტრაციული, არამედ სისხლის სამართლებრივი წესით 6 თვე.

სადაც არ უნდა წაიღონ ეს ე.წ. ქეისი, ამ შემთხვევაში მაგალითი, დახვდებათ წინ სტრასბურგის საერთაშორისო სასამართლოს გადაწყვეტილება“, - აღნიშნა გურამ მაჭარაშვილმა.