ღვინის გლობალური მოხმარება 1957 წლის შემდეგ ყველაზე დაბალ ნიშნულამდე დაეცა

ვაზისა და ღვინის საერთაშორისო ორგანიზაციის (OIV) მონაცემებით, 2025 წელს მსოფლიოში 208 მილიონი ჰექტოლიტრი ღვინო დაილია. ეს 2,7%-ით ნაკლებია 2024 წლის მაჩვენებელზე და 14%-ით ნაკლები 2018 წელთან შედარებით. OIV-ში ამ ტენდენციის მთავარ მიზეზებად ცხოვრების წესის ცვლილება და ეკონომიკური გაურკვევლობა დაასახელეს.

ორგანიზაციის მონაცემებით, გერმანიასა და აშშ-ში (რომელიც ღვინის გასაღების უმსხვილესი ბაზარია) მოხმარება წლის განმავლობაში 4,3%-ით შემცირდა. საფრანგეთში კლება 3,2%-ია, იტალიაში მოხმარება 9,4%-ით დაეცა. ყველაზე დიდი ვარდნა - 13% ჩინეთში დაფიქსირდა.

OIV-ის ანგარიშის მიხედვით, 2025 წელს ღვინის სმა უფრო მეტად დაიწყეს პორტუგალიაში, ბრაზილიასა და იაპონიაში.