იან პრაუდი: ჰორმუზის სრუტე ჯერ კიდევ დახურულია. ეს იწვევს ძალიან დიდ პრობლემას და ამიტომ ტრამპმა უნდა მოახერხოს თავისი ინტერესების მაქსიმალურად დაკმაყოფილება. ვფიქრობ, ამ ბალანსის მიღწევა ძალიან რთულია. სწორედ ამას ემსახურება ჩინეთის პრეზიდენტთან დიალოგი
გადაცემაში „დღის ქრონიკა“ ბრიტანელმა დიპლომატმა, გლობალური კრიზისების მართვის ექსპერტმა, იან პრაუდმა ვაშინგტონში აშშ-ის პრეზიდენტ დონალდ ტრამპისა და ჩინეთის ლიდერ სი ძინპინის შეხვედრის მნიშვნელობაზე ისაუბრა.
მისი თქმით, ძალიან ნიშანდობლივი ფაქტია, რომ აშშ-მა რუსეთს სანქციები სი ძინპინის ვიზიტამდე დაუწესა.
„მანამდეც კი, სანამ ჩინეთის პრეზიდენტი ჩავიდოდა აშშ-ში, ამერიკას მოუწია, ხელი მოეწერა 30-დღიანი სანქციებისთვის, რადგან ისინი ყიდულობდნენ ნავთობსა და ბუნებრივ აირს რუსეთისგან. სწორედ იმის გამო, რომ 2025 წელს ჩინეთს გაურთულდა საქმე ტრამპის მიერ გადადგმული ნაბიჯების გამო, შედგა ეს ახალი შეხვედრა და დაიწყო ხელახლა საუბარი, რადგან როგორც ვიცით, ჰორმუზის სრუტე ჯერ კიდევ დახურულია. ეს იწვევს ძალიან დიდ პრობლემას და ამიტომ ტრამპმა უნდა მოახერხოს თავისი ინტერესების მაქსიმალურად დაკმაყოფილება. ვფიქრობ, ამ ბალანსის მიღწევა ძალიან რთულია. სწორედ ამას ემსახურება ჩინეთის პრეზიდენტთან დიალოგი“, - განაცხადა იან პრაუდმა.
აშშ-ის პრეზიდენტმა დონალდ ტრამპმა ჩინეთის პრეზიდენტ სი ძინპინს ვაშინგტონში სამდღიანი სამიტის გახსნისას მასშტაბური დახვედრა მოუწყო.
იმედი
წყარო: imedinews.ge