იან პრაუდი „იმედის“ დასანქცირებაზე: დიდი ბრიტანეთის მიერ დაწესებული ეს სანქციები ძალიან ცინიკური ნაბიჯია, არ მგონია, რომ მათ რაიმე რეალური გავლენა ჰქონდეთ, მიუხედავად ამისა ვფიქრობ ისინი საკმაოდ ცუდ სიგნალს აგზავნიან საქართველოს და დიდი ბრიტანეთის მომავალ პოლიტიკურ ურთიერთობებთან დაკავშირებით

დასავლურ მედიაში, განსაკუთრებით კი ბრიტანულ მედიაში, საკმაოდ დიდი ზეწოლა და პროპაგანდაა საქართველოსთან დაკავშირებულ საკითხებზე, - განაცხადა ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა.

მისივე თქმით, ხშირად იქმნება შთაბეჭდილება, რომ რადგან საქართველო რუსეთს სანქციებს არ უწესებს, ამიტომ თითქოს საქართველო კრემლის ერთგვარი გამხმოვანებელია, ეს სრული სისულელეა.

„რაც შეეხება „იმედს“, დიდი ბრიტანეთის მიერ დაწესებული ეს სანქციები ძალიან ცინიკური ნაბიჯია, არ მგონია, რომ მათ რაიმე რეალური გავლენა ჰქონდეთ, მიუხედავად ამისა ვფიქრობ ისინი საკმაოდ ცუდ სიგნალს აგზავნიან საქართველოს და დიდი ბრიტანეთის მომავალ პოლიტიკურ ურთიერთობებთან დაკავშირებით.

ჩვენ სხვა ქვეყნებს ვასწავლით ღირებულებებსა და სიტყვის თავისუფლებას, შემდეგ კი სანქციებს ვუწესებთ იმ ქვეყნების მედია კომპანიებს, რომელთა პოლიტიკასაც არ ვეთანხმებით. ეს ფაქტობრივად სიტყვის თავისუფლების შეზღუდვაა, ეს აშკარა წინააღმდეგობაა. ვფიქრობ ასეთი ნაბიჯები არაგონივრულია, ცინიკურია და არ მიმაჩნია, რომ შედეგს გამოიღებს“, - აღნიშნა იან პრაუდმა.