იან პრაუდი: ვფიქრობ, „იმედის“ წინააღმდეგ სანქციები იდიოტური იყო. სულელურია სანქციები, რომელიც ბრიტანეთში გიჟი ჟურნალისტების და პარლამენტარების ნამოქმედარია
ვფიქრობ, „იმედის“ წინააღმდეგ სანქციები იდიოტური იყო, - განაცხადა გადაცემაში „იმედი LIVE“ ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა.
მისი თქმით, არსებობენ ჟურნალისტები, პარლამენტის წევრები ბრიტანეთში, რომელთაც აკვიატებული იდეები აქვთ საქართველოსთან დაკავშირებით.
„ვფიქრობ, „იმედის“ წინააღმდეგ სანქციები იდიოტური იყო. ყველაზე დიდი ტელეკომპანიის დასანქცირება, რომელიც კერძო მფლობელობაშია, აბსოლუტურად იდიოტურია. ეს მიგვანიშნებს იმ პრობლემებზე, რომელიც სპეციფიკურია ბრიტანეთში. არსებობენ ჟურნალისტები, პარლამენტის წევრები ბრიტანეთში, რომელთაც აკვიატებული იდეები აქვთ საქართველოსთან დაკავშირებით. სურთ, რომ ახალი ფრონტი გაიხსნას საქართველოში რუსეთის წინააღმდეგ. საქართველო ფანტასტიკური ქვეყანაა, რომელსაც არ სურს დამატებით ომში ჩართვა. იმის შემდეგ, რაც 2008 წელს მოხდა, ეს იქნება კატასტროფა. სულელურია სანქციები, რომელიც გიჟი ჟურნალისტების და პარლამენტარების ნამოქმედარია. ასევე ბრიუსელში უნდოდათ სანქციები სხვადასხვა ფიგურებს - „მეგობარი აქტი“ ამერიკაში. ეს არის ის ხალხი, რომლებმაც არაფერი იციან საქართველოს შესახებ“, - აღნიშნა პრაუდმა.
იმედი
წყარო: imedinews.ge