ილია ინჯია: 18 წელი გავიდა აგვისტოს ომიდან, რომელიც საქართველოს ისტორიაში უმძიმეს ტრაგედიად დარჩა, დღეს განსაკუთრებით მნიშვნელოვანია, სწორად გავაანალიზოთ წარსული, მათ შორის, მიზანმიმართულად არასწორი პოლიტიკური გადაწყვეტილებები და უპასუხისმგებლო ნაბიჯები, რომლებმაც ქვეყანა ომამდე მიიყვანა
18 წელი გავიდა აგვისტოს ომიდან, რომელიც საქართველოს ისტორიაში უმძიმეს ტრაგედიად დარჩა, დღეს განსაკუთრებით მნიშვნელოვანია, სწორად გავაანალიზოთ წარსული, მათ შორის, მიზანმიმართულად არასწორი პოლიტიკური გადაწყვეტილებები და უპასუხისმგებლო ნაბიჯები, რომლებმაც ქვეყანა ომამდე მიიყვანა - 2008 წლის რუსეთ-საქართველოს ომის შესახებ ფეისბუქზე დაწერა პარლამენტის ვიცე-სპიკერმა, საპარლამენტო პოლიტიკური ჯგუფის “ევროპელი სოციალისტების” ლიდერმა, ილია ინჯიამ.
როგორც ვიცე-სპიკერმა დაწერა, ისტორიული შეფასებისას ხაზგასასმელია ქვეყნის ინტერესების წინააღმდეგ მოქმედი გარკვეული პოლიტიკური ძალების პასუხისმგებლობის საკითხი, რომლებიც ცალსახად ატარებდნენ სხვა ქვეყნის ინტერესებს!
„18 წელი გავიდა აგვისტოს ომიდან, რომელიც საქართველოს ისტორიაში უმძიმეს ტრაგედიად დარჩა.
2008 წლის აგვისტოს ომმა ქვეყანას მძიმე შედეგები მოუტანა - ადამიანური მსხვერპლი, დევნილობა საკუთარ სამშობლოში, დაღუპული ოჯახის წევრები და დაკარგული საკუთარი სახლები.
დღეს განსაკუთრებით მნიშვნელოვანია, სწორად გავაანალიზოთ წარსული, მათ შორის, მიზანმიმართულად არასწორი პოლიტიკური გადაწყვეტილებები და უპასუხისმგებლო ნაბიჯები, რომლებმაც ქვეყანა ომამდე მიიყვანა.
ისტორიული შეფასებისას ხაზგასასმელია ქვეყნის ინტერესების წინააღმდეგ მოქმედი გარკვეული პოლიტიკური ძალების პასუხისმგებლობის საკითხი, რომლებიც ცალსახად ატარებდნენ სხვა ქვეყნის ინტერესებს!
დღეს, საქართველოს ტერიტორიები დროებით არის ოკუპირებული და ჩვენი ქვეყნის ტერიტორიული მთლიანობის აღდგენა არის ჩვენი ეროვნული მიზანი. ხოლო, ქვეყნის მთავარი ამოცანა კი, მშვიდობის შენარჩუნება, სახელმწიფოს გაძლიერება და საქართველოს ტერიტორიული მთლიანობის მშვიდობიანი გზით აღდგენაა.
მარადიული ხსოვნა აგვისტოს ომის დროს დაღუპულებს!
მშვიდობა საქართველოს”, - დაწერა ილია ინჯიამ.
იმედი
წყარო: imedinews.ge