ილონ მასკი: მაღიზიანებენ ეს „სალონური“ დიპლომატები, რომლებიც ფუფუნებაში მართავენ ვახშმებს მაშინ, როდესაც ფრონტის ხაზზე ადამიანები იხოცებიან - დიპლომატები, რომლებიც მედიდურად მსჯელობენ იმაზე, თუ როგორ უნდა დაიხიოს რუსეთმა უკან, მაშინ როცა რუსეთი უკან დახევას არ აპირებს
გამოცემა The Economist-ის მთავარ რედაქტორთან, ზანი მინტონ ბედოუსთან ინტერვიუში ამერიკელმა ბიზნესმენმა და მილიარდერმა, ილონ მასკმა დასავლელი დიპლომატების პოზიცია მკაცრად გააკრიტიკა და განაცხადა, რომ რუსეთ-უკრაინის ომის დასასრულებლად არსებული რეალობის გათვალისწინებაა საჭირო.
„მაღიზიანებენ ეს „სალონური“ დიპლომატები, რომლებიც ფუფუნებაში მართავენ ვახშმებს მაშინ, როდესაც ფრონტის ხაზზე ადამიანები იხოცებიან. დიპლომატები, რომლებიც მედიდურად მსჯელობენ იმაზე, თუ როგორ უნდა დაიხიოს რუსეთმა უკან, მაშინ როცა რუსეთი უკან დახევას არ აპირებს. ასე რომ, აუცილებელია მშვიდობის მიღწევა“, - აღნიშნა მასკმა.
„მე დიდი ხანია მშვიდობის იდეას ვუჭერ მხარს. ჯერ კიდევ რამდენიმე წლის წინ ვამბობდი, რომ რუსეთთან გარკვეულ დათმობებზე წასვლა იყო საჭირო. ეს პრორუსულ განწყობას არ ნიშნავს - ეს პრაგმატიზმია. წინააღმდეგ შემთხვევაში, ადამიანები დაიხოცებიან ისე, რომ არაფერი შეიცვლება. მე ჩავუღრმავდი ამ კონფლიქტის ისტორიას, რომ გამეგო, სინამდვილეში რა ხდებოდა. ამ დროს ძველი ნათქვამი გამახსენდა: ომში ანგელოზები არ არსებობენ“, - დასძინა მან.
იმედი
წყარო: imedinews.ge