იოსებ ჩახვაშვილი: პეტერ ფიშერს გარკვეული წარმოდგენა ჰქონდა საქართველოზე, რომ შეიძლება ასეთი მენტორული ტონით ელაპარაკოს ყველას და გადადგას შესაბამისი ნაბიჯები, რადგან იცოდა, რომ ეს იქნებოდა დაუსჯელი
პეტერ ფიშერი იმიტომ იქცეოდა ასე, რომ ჰქონდა დავალება მიღებული თავისი მთავრობისგან და თვითონაც მსგავსად იყო განწყობილი, - განაცხადა გადაცემაში „EURO ანატომია“ დიპლომატმა იოსებ ჩახვაშვილმა საქართველოში ე=გერმანიის ელჩზე, პეტერ ფიშერზე საუბრისას.
მისივე თქმით, ფიშერს გარკვეული წარმოდგენა ჰქონდა საქართველოზე, რომ შეიძლება ასეთი მენტორული ტონით ელაპარაკოს ყველას და გადადგას შესაბამისი ნაბიჯები, რადგან იცოდა, რომ ეს იქნებოდა დაუსჯელი.
„ის მოქმედებდა საკუთარი სამინისტროს და მთავრობის დავალების შესაბამისად, ამიტომ მის დიპლომატიურ კარიერას არაფერი დაემუქრებოდა იმ შემთხვევაში, თუ ის გააგრძელებდა მას.
აღსანიშნავია გერმანიაში საქართველოს ელჩის, ალექსანდრე კარტოზიას მიმართ მოპყრობა გერმანიის მთავრობის მხრიდან. მომავალი ელჩი ვერ ჩავა შესაბამის ქვეყანაში, თუ მას არ აქვს აგრემანი, ანუ თანხმობა მიმღები ქვეყნის მხრიდან. ბატონ ალექსანდრეს აგრემანი მისცეს, თუმცა ამ დრომდე არ შეუქმნიათ ის პირობა, რომ მან პრეზიდენტს გადასცეს რწმუნებათა სიგელები. თუ ეს ეტაპები არ გაიარა მომავალმა ელჩმა, ის ვერ შეუდგება თავისი მოვალეობის შესრულებას“, - აღნიშნა იოსებ ჩახვაშვილმა.
იმედი
წყარო: imedinews.ge