ირაკლი ბათიაშვილი: დამოუკიდებლობისა და სუვერენიტეტის დამთმობი დღეს არავინ არის - არც ხალხი, არც ხელისუფლება

ფილოსოფოსმა ირაკლი ბათიაშვილმა „დღის ქრონიკაში“ გაიხსენა მოვლენები, რომლებიც დამოუკიდებლობის დღის აღდგენას უძღოდა წინ. მან დისიდენტური მოძრაობის მნიშვნელობას გაუსვა ხაზი და ასევე აღნიშნა, რომ 1918 წელს საქართველომ დამოუკიდებლობა უბრძოლველად, რეგიონში გეოპოლიტიკური ცვლილებების შედეგად მიიღო, რაც იყო „დიდი წყალობა, დიდი საჩუქარი, მაგრამ, სამწუხაროდ, მაშინდელი მთავრობა მოწოდების სიმაღლეზე ვერ აღმოჩნდა, რომ ეწარმოებინა შორსმჭვრეტელური, წინდახედული პოლიტიკა ამ დამოუკიდებლობის დაცვისთვის“. მისივე თქმით, მოწოდების სიმაღლეზე არც სამოქალაქო საზოგადოება იყო.

ბათიაშვილი მიიჩნევს, რომ დღეს ქვეყანაში განსხვავებული ვითარებაა.

„დღეს სხვა ვითარებაა. ამ საკითხი ხელისუფლება და ხალხი აბსოლუტურად ერთიანია. რაც შეეხება დამოუკიდებლობასა და სუვერენიტეტს, არავინ ამის დამთმობი დღეს არ არის და ეს აშკარად ჩანს. არც ხალხი, არც ხელისუფლება ამას არ დათმობს“, - აცხადებს ბათიაშვილი.