ირაკლი ჭეიშვილი: დღეს საუბრობს მარკო რუბიო იმაზე, რაზეც ჩვენი ხელისუფლება წლების განმავლობაში ვსაუბრობთ. ის, რომ არ შეიძლება პოლიციელებზე ძალადობა

„დღეს საუბრობს მარკო რუბიო იმაზე, რაზეც ჩვენი ხელისუფლება წლების განმავლობაში ვსაუბრობთ. ის, რომ არ შეიძლება პოლიციელებზე ძალადობა“, - განუცხადა ჟურნალისტებს საპარლამენტო უმრავლესობის წევრმა, ირაკლი ჭეიშვილმა ვაშინგტონში გამართულ მინისტერიალთან დაკავშირებით, რომელშიც მაკა ბოჭორიშვილი ამერიკის შეერთებული შტატების სახელმწიფო მდივნის, მარკო რუბიოს მიწვევით იმყოფება.

ჭეიშვილის თქმით, არ შეიძლება პოლიციელების „მოლოტოვის კოქტეილებით“ ცოცხლად დაწვა.

„დღეს საუბრობს ამერიკის სახელმწიფო მდივანი მარკო რუბიო იმაზე, რაზეც ჩვენი ხელისუფლება წლების განმავლობაში ვსაუბრობთ. ის, რომ არ შეიძლება პოლიციელებზე ძალადობა. ის, რომ არ შეიძლება პოლიციელების „მოლოტოვის კოქტეილებით“ ცოცხლად დაწვა“, - აღნიშნა მან.

ვაშინგტონში გამართულ მინისტერიალს დაახლოებით სამოცი ქვეყნის წარმომადგენელი ესწრებოდა. საქართველოს ხელისუფლებაში მიაჩნიათ, რომ მნიშვნელოვანია საერთაშორისო საზოგადოების მხრიდან პოლიტიკურ ტერორიზმზე, როგორც პრობლემაზე და გამოწვევაზე ღიად საუბარი. მმართველ გუნდში განმარტავენ რომ საქართველო კარგი მაგალითია იმის თუ როგორ იხარჯებოდა უცხოური ფინანსები საქართველოში პოლიტიკური ძალადობის წასახალისებლად.

მაკა ბოჭორიშვილი აშშ-ში გამართულ მინისტერიალზე: კარგი შესაძლებლობა იყო ჩვენთვის, მონაწილეობა მიმეღო და გვესაუბრა გამოწვევებზე, რომლების წინაშეც ჩვენი ქვეყანა დადგა ბოლო პერიოდის განმავლობაში. ჩვენ კარგი მაგალითი ვართ იმისა, თუ როგორ ხდება უცხოური დაფინანსებით რადიკალური ძალების წახალისება სახელმწიფო ინსტიტუტების, წინააღმდეგ