ირაკლი ჭეიშვილი: საქართველოში სიძულვილის ენა ერთხელ და სამუდამოდ უნდა დასრულდეს

საპარლამენტო უმრავლესობის წევრმა ირაკლი ჭეიშვილმა „დღის ქორნიკაში“ შინაგან საქმეთა სამინისტროს სიძულვილის ენის წინააღმდეგ ბრძოლის სამმართველოს შესახებ ისაუბრა.

მისი თქმით, ადამიანებმა უნდა ისწავლონ, რომ არ შეიძლება, რაც პირზე მოგადგება ილაპარაკო, წერო და წააკითხო მთლიანად საზოგადოებას.

„ფიშერსა და სხვა ელჩებს რა რიტორიკაც აქვთ საქართველოს ხელისუფლებასთან მიმართებით და ზოგადად, არ სცემენ ჩვენს ქვეყანას პატივს. ის, რაც მათი გეგმა იყო, შესრულებულია. გეგმა იყო დაპირისპირება და ის სიძულვილის ენა, რაც დათესეს. ამის შედეგს ვიმკით ახლა ქვეყანაში. ამ დეპარტამენტის შექმნამდე ნებისმიერ ადამიანს რომ შეეძლო, რაც პირზე მოადგებოდა, ნებისმიერი კომენტარი გაეკეთებინა, ეს ერთხელ და სამუდამოდ ამ სამმართველოს შექმნით აღმოფხვრის მსგავს ფაქტებს. მივესალმები ჯარიმების რაოდენობასაც. ადამიანმა უნდა ისწავლოს, რომ არ შეიძლება რაც პირზე მოგადგება ილაპარაკოს, წეროს და წააკითხოს მთლიანად საზოგადოებას. ვფიქრობ, ეს სამმართველო აუცილებლად მოიტანს შედეგს. სიძულვილის ენა საქართველოში ერთხელ და სამუდამოდ უნდა დასრულდეს", - აღნიშნა ჭეიშვილმა.