ირაკლი კირცხალია „ალდეზე“: სამწუხაროდ ეს ის ძალაა ევროკავშირში და იმ მმართველობით ელიტაში, რომელიც გვეუბნებოდა რომ „მოლოტოვის კოქტეილის“ სროლა დემოკრატიის პრინციპი და გამოხატვის თავისუფლებაა

სამწუხაროდ ეს ის ძალაა ევროკავშირში და იმ მმართველობით ელიტაში, რომელიც გვეუბნებოდა რომ „მოლოტოვის კოქტეილის“ სროლა დემოკრატიის პრინციპი და გამოხატვის თავისუფლებაა, - განაცხადა საპარლამენტო უმრავლესობის ლიდერმა, ირაკლი კირცხალიამ „ალდეზე“ საუბრისას.

კირცხალია იმედოვნებს, რომ ევროკავშირი დაუბრუნდება ევროპულ ფასეულობებს.

„თურმე ინსტიტუციური შენობების ძალადობრივი აღება, ესეც გამოხატვის თავისუფლებაა.

„გვაქვს მოლოდინი, რომ ევროპულ ბიუროკრატიაში და მმართველ ელიტებში დაბრუნდება ის ევროპული ფასეულობები ღირებულებები, რაზედაც ისტორიულად ევროპა იდგა“, - აღნიშნა კირცხალიამ.

გაემიჯნება თუ არა „ალდე“, პარტია „ლელოს“ დისკრიმინაციულ კამპანიას - „ქრონიკამ“ ორგანიზაციას შეკითხვა გაუგზავნა.

პარლამენტის თავმჯდომარემ აღნიშნულ საკითხზე გუშინ პოსტი გამოაქვეყნა.