ირაკლი კირცხალია: ძალიან მკაფიოდ გამოიყვანეს აგენტურულ ველზე ფორმალურად, თანამდებობრივად ელჩები

ძალიან მკაფიოდ გამოიყვანეს აგენტურულ ველზე ფორმალურად, თანამდებობრივად ელჩები, ბატონი ჰერჩინსკის თაოსნობით, რა თქმა უნდა, ყველა დიპლომატიურ მისიას არ ვგულისხმობ, - განაცხადა გადაცემაში „იმედი Live” საპარლამენტო უმრავლესობის ლიდერმა ირაკლი კირცხალიამ ევროკავშირის ელჩის ბოლო განცხადებაზე საუბრისას.

„დავიწყოთ ბატონი ჰერჩინსკით და მისი მორიგი თავხედური, დესტრუქციული განცხადებით, რომელსაც სამწუხაროდ მან და არა მხოლოდ მან შეაჩვია ჩვენი საზოგადოება. თავხედურ და შეურაცხმყოფელ განცხადებასთან ერთად მკაფიო მუქარის ტონები. შეურაცხმყოფელი ჩვენი საზოგადოებისთვის, ჩვენი სახელმწიფოებრიობისთვის, გასცდა ყველანაირ მორალურ ზღვარს, არაფერს ვამბობ დიპლომატიურ ეთიკასა და ვენის კონვენციაზე, არც არის მოსატანი ამ ყველაფერთან. მათ ვერ გაიცნეს ჩვენი ქვეყანა, მათ აქვთ მკაფიო დავალება და ისინი გამხმოვანებლის ფუნქციას ასრულებენ“, - აღნიშნა კირცხალიამ.

საპარლამენტო უმარვლესობის ლიდერს ელჩის საგარეო საქმეთა სამინისტროში დაბარება სწორ ნაბიჯდან მიაჩნია.

“ნებისმიერი თავმოყვარე ქვეყანა, რა თქმა უნდა, დაიბარებს და რა თქმა უნდა პასუხს მოსთხოვს. ეს არის ნაბიჯი, რომელიც აუცილებლად უნდა გადაიდგას და არაერთხელ გადაიდგა საგარეო საქმეთა სამინისტროს მხრიდან”, - განაცხადა საპარლამენტო უმრავლესობის ლიდერმა.