ირაკლი კირცხალია გერმანიასთან ურთიერთობებზე: წლებია დიდ შეურაცხყოფას და უსამართლო დამოკიდებულებას ვპასუხობთ ღირსეულად და ამავდროულად ყოველთვის ვაფიქსირებდით და ვაფიქსირებთ, რომ მზად ვართ ურთიერთობის ღირსეული გადატვირთვისკენ

წლებია დიდ შეურაცხყოფას და უსამართლო დამოკიდებულებას ვპასუხობთ ღირსეულად და ამავდროულად ყოველთვის ვაფიქსირებდით და ვაფიქსირებთ, რომ მზად ვართ ურთიერთობის ღირსეული გადატვირთვისკენ, - განაცხადა ირაკლი კირცხალიამ გერმანიასთან ურთიერთობებზე საუბრისას.

საპარლამენტო უმრავლესობის ლიდერმა თბილისსა და ბერლინს შორის ურთიერთობის გაფუჭებაში გერმანიის ყოფილი ელჩი, პეტერ ფიშერი დაადანაშაულა.

„თამამად შეიძლება ითქვას, რომ ის იყო ერთ-ერთი რიგითი კოლექტიური ნაცაქტივისტი და, სამწუხაროდ, შეძლო მაქსიმალურად, მის ხელთ არსებული ყველა ბერკეტით გაეუარესებინა საქართველოსა და გერმანიას შორის ისტორიული, პარტნიორული ურთიერთობა. რაც შეეხება გადატვირთვას, პირველ ნაბიჯად შეგვიძლია ჩავთვალოთ ის მნიშვნელოვანი ტექნიკური საკითხები, რომლებიც აქამდეც უნდა ყოფილიყო მოგვარებული. ფაქტია, რომ ახლა გვარდება“, - განაცხადა კირცხალიამ.