ირაკლი კირცხალია საგზაო მოძრაობის წესებთან დაკავშირებულ ჯარიმებზე: გადავხედეთ ბოლო წლის, თვეების სტატისტიკას და მივიღეთ გადაწყვეტილება დავიწყოთ მუშაობა შინაგან საქმეთა სამინისტროსთან ერთად, რათა მაქსიმალურად დაბალანსებული გადაწყვეტილება მივიღოთ

გადავხედეთ ბოლო წლის, თვეების სტატისტიკას და მივიღეთ გადაწყვეტილება დავიწყოთ მუშაობა შინაგან საქმეთა სამინისტროსთან ერთად, რათა მაქსიმალურად დაბალანსებული გადაწყვეტილება მივიღოთ, - განუცხადა „ქრონიკა“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარე ირაკლი კირცხალიამ საგზაო მოძრაობის წესებთან დაკავშირებულ ჯარიმებზე.

კირცხალიას თქმით, იქნება კონკრეტული, დაბალანსებული ცვლილებები.

„დაბალანსებული ჯარიმა იმ გადაცდომის სიმძიმეს შორის, რომელი გადაცდომაც შესაძლოა პირობითად მძღოლმა განახორციელოს საგზაო მოძრაობისას.

ზოგადად, ჯარიმები მთელ მსოფლიოში პრევენციულ ხასიათს ატარებს, მაგრამ ყოველთვის, ყველა მიმართულებით, საგზაო წესი იქნება თუ ადმინისტრაციულ სამართალდარღვევათა კოდექსში სხვადასხვა მიმართულება, ყველაფერი პირველ რიგში გადის ჩვენი საზოგადოების თვითშეგნებაზე. ამიტომ, კიდევ ერთხელ გადავხედეთ ბოლო წლის, თვეების სტატისტიკას და მივიღეთ გადაწყვეტილება დავიწყოთ მუშაობა შინაგან საქმეთა სამინისტროსთან ერთად, რათა მაქსიმალურად დაბალანსებული გადაწყვეტილება მივიღოთ“, - აღნიშნა მან.

ირაკლი კობახიძე: პირდაპირი კორელაცია გაზრდილ ჯარიმებსა და შემცირებულ სტატისტიკას შორის სამწუხაროდ, არ არის, იმის გათვალისწინებით, რომ ჯარიმები ტვირთად აწვება მოსახლეობას, შეგვიძლია, განვიხილოთ ვერსია ჯარიმების შემცირებასთან დაკავშირებით