ირაკლი ქადაგიშვილი: დიდი ჰუმანიტარული დახმარება გასწია საქართველომ უკრაინისთვის თავისი შესაძლებლობებიდან გამომდინარე და ამ ფონზე ჩვენ მივიღეთ ელჩის გაწვევა, მიტინგებზე ჩართვები და მოწოდება შეიარაღებული კონფლიქტის დაწყებისა

საქართველომ ერთ-ერთმა პირველმა უყოყმანოდ დაგმო აგრესია, მხარი დაუჭირა უკრაინის ტერიტორიულ მთლიანობას და სუვერენიტეტს, - განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა.

მისივე თქმით, საქართველომ ფართოდ გააღო კარი, ყველა იძულებით გადაადგილებული ლტოლვილი მიიღო და შესაბამისი პირობები შეუქმნა.

„დიდი ჰუმანიტარული დახმარება გასწია საქართველომ თავისი შესაძლებლობებიდან გამომდინარე და ამ ფონზე ჩვენ მივიღეთ ელჩის გაწვევა, მიტინგებზე ჩართვები და სატელევიზიო გამოსვლებში მოწოდება შეიარაღებული კონფლიქტის დაწყებისა სეპარატისტულ რეგიონებში, რომელიც რა თქმა უნდა პირდაპირ გადაიზრდებოდა რუსეთთან სამხედრო კონფრონტაციაში და ეს ჩვენთვის გამანადგურებელი იქნებოდა.

დღეს თუ ეს მიდგომა საქართველოსთან დამოკიდებულებაში იცვლება, ეს მხოლოდ და მხოლოდ მისასალმებელია“, - აღნიშნა ირაკლი ქადაგიშვილმა.

საქართველოს პრემიერ-მინისტრი ირაკლი კობახიძე უკრაინის პრეზიდენტს, ვოლოდიმირ ზელენსკის ესაუბრა.