ირაკლი ქადაგიშვილი: მსოფლიოს ყველა სახელმწიფო ცდილობს, რომ თანხები, განსაკუთრებით უცხოური დაფინანსება იყოს სრულად გამჭვირვალე

პარლამენტის რეგიონული პოლიტიკისა და თვითმმართველობის კომიტეტის თავმჯდომარე, ირაკლი ქადაგიშვილი ამერიკის შეერთებული შტატების მიერ „ფარას“ კანონის გამკაცრებას გამოეხმაურა.

„მსოფლიოს ყველა სახელმწიფო ცდილობს, რომ თანხები, განსაკუთრებით უცხოური დაფინანსება იყოს სრულად გამჭვირვალე. ჩვენ სწორედ ამ მიმართულებით მივიღეთ ჩვენი საკანონმდებლო აქტები. მათ შორის, ქვეყანაში მშვიდობისა და შიდა სტაბილურობის დამყარებას შეუწყოს ხელი",- აღნიშნა ქადაგიშვილმა.

ცნობისთვის, აშშ-ის სენატის საგარეო ურთიერთობათა კომიტეტმა დაამტკიცა ორპარტიული კანონპროექტი, რომელიც უცხო ქვეყნების, მათ შორის ჩინეთის, რუსეთის, ირანის, ჩრდილოეთ კორეისა და კუბის გავლენის შეზღუდვასა და მათი აგენტების საქმიანობის გამჭვირვალობის გაზრდას ითვალისწინებს.