ირანის პრეზიდენტი: ჩვენ არ ვართ ომში საუდის არაბეთთან
ირანი საუდის არაბეთზე განხორციელებულ თავდასხმასთან კავშირს გამორიცხავს და აღნიშნავს, რომ თეირანი მეზობელ ქვეყანასთან ომს არ აწარმოებს. განცხადება ინდური ტელეარხისთვის მიცემულ ინტერვიუში ისლამური რესპუბლიკის პრეზიდენტმა მასუდ პეზეშკიანმა გააკეთა.
„ჩვენ არ ვართ ომში საუდის არაბეთთან“, - განაცხადა პეზეშკიანმა. მან ასევე აღნიშნა, რომ ჰუსიტებს საკუთარი პრობლემები აქვთ, ხოლო რეგიონული ჯგუფები მათ წინააღმდეგ მიმართული იერიშების საპასუხოდ მოქმედებენ.
რამდენიმე დღის წინ ჰუსიტების თავდასხმის შედეგად, საუდის არაბეთის სამხრეთით 70-ზე მეტი ადამიანი დაშავდა, ენერგოობიექტებზე კი ხანძარი გაჩნდა. აშშ-ის პრეზიდენტმა დონალდ ტრამპმა განაცხადა, რომ სავარაუდოდ, საუდის არაბეთის ნავთობსადენზე თავდასხმაზე პასუხისმგებელი ირანი და ჰუსიტები არიან.
იმედი
წყარო: imedinews.ge