ირანმა სპარსეთის ყურეში ამერიკულ ობიექტებს შეუტია
ირანმა სპარსეთის ყურის ქვეყნებში აშშ-სთან დაკავშირებულ სამიზნეებზე დარტყმების შესახებ განაცხადა. ირანული მედიის მიერ გავრცელებულ განცხადებებში ნათქვამია, რომ ბალისტიკური რაკეტები კატარში მდებარე ალ-უდეიდის სამხედრო ბაზის მიმართულებით გაუშვეს, რომელსაც ამერიკელი სამხედროები იყენებენ. კატარის ხელისუფლებამ ირანული რაკეტების გადაჭერისას სამი ადგილობრივი მცხოვრების დაშავების შესახებ განაცხადა, რომელთა შორის ერთი ბავშვია.
ასევე თავდასხმა განხორციელდა ომანში, დუკმის პორტში აშშ-ის სამხედრო-საზღვაო ძალების ავიამზიდების ლოგისტიკურ ცენტრებსა და საწვავის გამართვის პლატფორმებზე, ბაჰრეინში კავშირგაბმულობის ცენტრსა და სამხედრო რადარზე, და ქუვეითში სამხედრო სამიზნეებზე, მათ შორის საზენიტო-სარაკეტო კომპლექს Patriot.
მანამდე ცნობილი გახდა, რომ ამერიკელმა სამხედროებმა ღამით ირანზე დარტყმების ბოლო ერთი კვირის განმავლობაში უკვე მესამე ტალღა დაიწყეს, ჰორმუზის სრუტე კი ისევ ჩაკეტილია.
იმედი
წყარო: imedinews.ge