ირანული მედია: აშშ-მა ირანის 14-პუნქტიანი სამშვიდობო გეგმა მთლიანად უარყო
აშშ-ის ხელისუფლებამ ირანის მიერ შემოთავაზებული 14-პუნქტიანი სამშვიდობო გეგმა მთლიანად უარყო. ინფორმაციას Tehran Times-ი ავრცელებს.
„Tehran Times-ის მიერ მოპოვებული ინფორმაციის თანახმად, შეერთებული შტატების მთავრობამ ირანის მიერ ომის დასასრულებლად შედგენილ წინადადებას უპასუხა. თეირანის წინადადების უარყოფით შეერთებულმა შტატებმა კიდევ ერთხელ დაადასტურა საკუთარი ძალდატანებითი პოზიცია, განსაკუთრებით ბირთვულ პრობლემასთან დაკავშირებით“, - წერს Tehran Times-ი.
ირანული მედიის ცნობით, ოფიციალურმა თეირანმა ვაშინგტონს მოლაპარაკებების ორეტაპიანი გეგმა წარუდგინა. პირველი ეტაპი ფრონტის ყველა მიმართულებაზე ომის დასრულებას გულისხმობდა. პირველი ეტაპის პირობების დაკმაყოფილების შემდეგ ირანი იღებდა ვალდებულებას დაეწყო მოლაპარაკებები ბირთვული პროგრამის შესახებ.
იმედი
წყარო: imedinews.ge