იურაი ბლანარი ბოჭორიშვილს: თქვენო აღმატებულებავ, ნება მომეცით გულითადად მოგილოცოთ თქვენ და საქართველოს ყველა მოქალაქეს საქართველოს დამოუკიდებლობის დღე

სლოვაკეთის რესპუბლიკის საგარეო და ევროპულ საქმეთა მინისტრი იურაი ბლანარი საქართველოს ვიცე-პრემიერს, საგარეო საქმეთა მინისტრს მაკა ბოჭორიშვილს და საქართველოს მოქალაქეებს დამოუკიდებლობის დღეს ულოცავს.

„თქვენო აღმატებულებავ, ნება მომეცით გულითადად მოგილოცოთ თქვენ და საქართველოს ყველა მოქალაქეს საქართველოს დამოუკიდებლობის დღე. მსურს, კიდევ ერთხელ დაგიდასტუროთ სლოვაკეთის რესპუბლიკის მხარდაჭერა საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში. ამასთანავე, მინდა ხაზი გავუსვა, რომ მოხარული ვარ სლოვაკეთის რესპუბლიკასა და საქართველოს შორის ურთიერთობების ინტენსიური განვითარების, რისი დასტურიც იყო ბრატისლავაში თქვენი ბოლო ვიზიტი. მჯერა, რომ ეს ვიზიტი მნიშვნელოვან იმპულსს შესძენს ჩვენი ქვეყნების ორმხრივ ურთიერთობებს.

თქვენო აღმატებულებავ, გთხოვთ, მიიღოთ ჩემი პატივისცემა“, - ნათქვამია მილოცვის წერილში.