ჯეი დი ვენსმა განაცხადა, რომ დეესკალაციის არხი, რომლის შექმნაზეც ვაშინგტონი და თეირანი გასულ უქმეებზე შვეიცარიაში გამართული მოლაპარაკებების დროს შეთანხმდნენ, მოიცავს ისლამური რევოლუციის გუშაგთა კორპუსისა და აშშ-ის არმიის ცენტრალური სარდლობის წარმომადგენლებს, რომლებიც კატარში განთავსდებიან
აშშ-ის ვიცე-პრეზიდენტმა, ჯეი დი ვენსმა განაცხადა, რომ დეესკალაციის არხი, რომლის შექმნაზეც ვაშინგტონი და თეირანი გასულ უქმეებზე შვეიცარიაში გამართული მოლაპარაკებების დროს შეთანხმდნენ, მოიცავს ისლამური რევოლუციის გუშაგთა კორპუსისა და აშშ-ის არმიის ცენტრალური სარდლობის წარმომადგენლებს, რომლებიც კატარში განთავსდებიან.
„ერთ-ერთი საკითხი, რომლის მიღწევაც გვინდოდა, იყო ირანულ მხარესთან [კონფლიქტის შემცირების მიზნით] არხის შექმნა, რაც გავაკეთეთ კიდეც“, - განაცხადა ვენსმა ბრიტანულ საინფორმაციო საიტ UnHerd-თან ინტერვიუში.
ინტერვიუ ორშაბათს ჩაიწერა, როდესაც ვიცე-პრეზიდენტი შვეიცარიაში გამართული მოლაპარაკებებიდან უკან ბრუნდებოდა, თუმცა ის მხოლოდ დღეს გამოქვეყნდა.
„მათ თქვეს: „კარგი, გასაგებია, ჩვენ გავაგზავნით ისლამური რევოლუციის გუშაგთა კორპუსის წარმომადგენელს, რათა დოჰაში ცენტრალური სარდლობის (CENTCOM) წარმომადგენელთან ერთად იმუშაოს“ და სწორედ ასე ვაპირებთ ბევრი დავის მოგვარებას“, - აღნიშნა მან.
იმედი
წყარო: imedinews.ge