კაბო ვერდეს მეკარემ ესპანეთთან მატჩში კარი მშრალად შეინახა და მსოფლიო ჩემპიონატების რეკორდი დაამყარა⚽

ამერიკის კონტინენტზე ფეხბურთში მსოფლიო ჩემპიონატი გრძელდება. სენსაციური შედეგი დაფიქსირდა H ჯგუფში, სადაც ტურნირის ერთ-ერთ ფავორიტი - ესპანეთი დებიუტანტ კაბო ვერდეს დაუპირისპირდა. მატჩი ანგარიშით 0:0 დასრულდა, თამაშის გმირი კი კაბო ვერდეს 40 წლის მეკარე ვოზინია გახდა.

მან 7 სეივი შეასრულა და მატჩის საუკეთესო მოთამაშედ დასახელდა. ამგვარად, ის ყველაზე ასაკოვანი მეკარე გახდა მსოფლიო ჩემპიონატები ისტორიაში, რომელმაც სადებიუტო მატჩში კარი მშრალად შეინახა.

ამასთან, ვოზინია სოციალური ქსელების გმირიც გახდა - თამაშამდე მას Instagram-ზე რამდენიმე ათეული გამომწერი ჰყავდა, ამ მომენტისთვის კი მისი „ფოლოვერების“ რაოდენობა 5,8 მილიონს აღწევს.

შემდეგ მატჩს კაბო ვერდე 22 ივნისს, ურუგვაის წინააღმდეგ ითამაშებს.