კაია კალასი: რუსული ჯარების გაყვანა საქართველოდან და მოლდოვიდან ევროპული უსაფრთხოების ინტერესში შედის
იმედი|imedinews.ge
ევროკავშირის უმაღლესმა წარმომადგენელმა საგარეო ურთიერთობათა საკითხებში კაია კალასმა განაცხადა, რომ რუსული ჯარების გაყვანა საქართველოდან და მოლდოვიდან ევროპული უსაფრთხოების ინტერესში შედის.
როგორც კალასმა კვიპროსში ევროკავშირის საგარეოს საქმეთა მინისტრების შეხვედრის დაწყებამდე ჟურნალისტებს განუცხადა, ბრიუსელმა მოამზადა რუსეთის მიმართ მოთხოვნათა სია, რომელსაც მოსკოვს უკრაინის საკითხზე მოლაპარაკებების დროს წარუდგენს.
„თუ ვიფიქრებთ რუსული ჯარების ყოფნაზე ისეთ ქვეყნებში, როგორებიცაა საქართველო და მოლდოვა, ევროპული უსაფრთხოების ინტერესში შედის, რომ ეს ჯარები იქ არ იყვნენ და სხვადასხვა ქვეყნების არჩევნებში არ ერეოდნენ“, - განაცხადა კალასმა.
გაზიარება:
IM
იმედი
წყარო: imedinews.ge