კახა ძაგანია: მთელმა მსოფლიომ დაინახა მედიისა და თავისუფალი სიტყვისგან შეშინებული ევროპელი პოლიტიკოსები, როგორ გაურბოდნენ და ემალებოდნენ ტელეკომპანია „იმედის“ მიკროფონს 800-მილიონიანი ევროპელების წარმომადგენელი პარლამენტარები

ევროკავშირი, რომელიც მშვიდობის, სიტყვის თავისუფლების, დემოკრატიისა და ადამიანის უფლებების დაცვის იდეით შეიქმნა, დღეს მწვავე კრიტიკის საგანია, - განაცხადეს “მემარცხენე ალიანსში” გამართულ ბრიფინგზე. პარტიაში მიაჩნიათ, რომ ევროპული პოლიტიკა სულ უფრო მეტად ექცევა “დიფ სთეითის“ გავლენების ქვეშ.

„როდესაც ევროკავშირის დამფუძნებელი მამები ამ საერთაშორისო ორგანიზაციას ქმნიდნენ, ვერ წარმოედგინათ, რომ მათი მთავარი იდეა - მშვიდობა, ეკონომიკური კეთილდღეობა, სიტყვის თავისუფლება, დემოკრატიისა და ადამიანის უფლებების განადგურდებოდა „დიფ სთეითისა“ და ოლიგარქიული მმართველობის მეშვეობით. თუ სადმე დახვდათ დამოუკიდებელი და თავისუფალი პოლიტიკოსები ან პარტიები, იწყება ბრძოლა წესების გარეშე.

მთელმა მსოფლიომ დაინახა მედიისა და თავისუფალი სიტყვისგან შეშინებული ევროპელი პოლიტიკოსები. მთელი მსოფლიო უყურებდა, როგორ გაურბოდნენ და ემალებოდნენ ტელეკომპანია „იმედის“ მიკროფონს 800-მილიონიანი ევროპელების წარმომადგენელი პარლამენტარები. ნამდვილად არ გვიხარია ევროპელი პოლიტიკოსების და ადგილებზე მათი სატელიტების ასეთი დეგრადაცია, მაგრამ რეაქცია დროულად მისაცემია, სანამ მთლიანად არ გაუნადგურებიათ ევროპა და ევროპული იდეალები“, - განაცხადა „მემარცხენე ალიანსის“ ლიდერმა კახა ძაგანიამ.