კანიე უესტმა სტადიონებზე გამართული კონცერტების დასწრების რეკორდი მოხსნა

სტამბოლში, ათათურქის სახელობის ოლიმპიურ არენაზე კანიე უესტის კონცერტმა დაახლოებით 118 000 მაყურებელი შეკრიბა. Reuters-ის ინფორმაციით, ეს მაჩვენებელი რეკორდული გახდა სტადიონებზე გამართულ კონცერტებს შორის.

კონცერტის დროს უესტმა სცენიდან განაცხადა, რომ სტადიონებზე გამართულ შოუებს შორის ეს ყველაზე მრავალრიცხოვანი კონცერტია ისტორიაში.

სააგენტოს მონაცემებით, წინა რეკორდი ჯგუფ Coldplay-ს ეკუთვნოდა. 2025 წლის იანვარში კოლექტივი 111 000 მაყურებლის წინაშე წარსდგა ინდოეთის ქალაქ აჰმედაბადში, ნარენდრა მოდის სახელობის სტადიონზე.

2 ივნისს, Starring Georgia-ს ფარგლებში უესტი კონცერტს თბილისში გამართავს.