კაროლ ნავროცკიმ პოლონეთში უკრაინელი ნაციონალისტების ორგანიზაციისა და მისი მებრძოლი ფრთის დროშის აკრძალვა მოითხოვა

ვოლინის ტრაგედიის მსხვერპლთა ხსოვნის დღეს კაროლ ნავროცკიმ პოლონეთში უკრაინელი ნაციონალისტების ორგანიზაციისა და მისი მებრძოლი ფრთის, „უკრაინის ამბოხებულთა არმიის“ დროშის საკანონმდებლო აკრძალვა მოითხოვა. ამ თემაზე პოლონეთის პრეზიდენტმა უკრაინის საზღვართან მდებარე სოფელ რადრუჟში გამართული მემორიალური ღონისძიებების დროს ისაუბრა და ისიც აღნიშნა, რომ ვარშავა არა უკრაინელ ხალხს, არამედ „ბანდერას იდეოლოგიას“, და იმათ ადანაშაულებს, ვინც მკვლელობები ჩაიდინეს და ვინც 21-ე საუკუნეში წითელ-შავ დროშას კვლავ იყენებენ.

„ჩვენ არ გვინდა ეს პოლონეთში ვნახოთ და ყველაფერს გავაკეთებ იმისთვის, რომ პოლონეთში ამან აღარ იარსებოს. მჯერა, რომ პარლამენტი მიიღებს შესაბამის კანონს, რადგან ეს იგივეა, რაც გერმანელი ნაცისტების დროშა. სწორედ ამას გულისხმობდა ის და მის უკან იდგა და დგას უკრაინელი ნაცისტების იდეოლოგია, რომლებმაც პოლონელი ქალები და ბავშვები დახოცეს. ჩვენ არ ვადანაშაულებთ უკრაინელ ხალხს. დანაშაული მიუძღვის ბანდერას იდეოლოგიას, მათ, ვინც მკვლელობები ჩაიდინეს და მათ, ვინც 21-ე საუკუნეში წითელ-შავ დროშას ისევ იყენებენ. ეს მიუღებელია, რადგან გენოციდის განდიდება ან მასზე თვალის დახუჭვა ახალი გენოციდისკენ მოწოდებაა“, - განაცხადა ნავროცკიმ.