კატარის პრემიერი მაკა ბოჭორიშვილს: მეგობარი ქვეყნის - საქართველოს ეროვნულ დღესასწაულთან დაკავშირებით, მაქვს პატივი, გულთბილი მილოცვები და საუკეთესო სურვილები გადმოგცეთ. კიდევ ერთხელ ვადასტურებთ კატარის სახელმწიფოსა და მეგობარ საქართველოს შორის არსებულ მჭიდრო ურთიერთობებს
კატარის სახელმწიფოს პრემიერ-მინისტრი, საგარეო საქმეთა მინისტრი მოჰამედ ბინ აბდულრაჰმან ბინ ჯასიმ ალ თანი საქართველოს ვიცე-პრემიერს, საგარეო საქმეთა მინისტრ მაკა ბოჭორიშვილს დამოუკიდებლობის დღეს ულოცავს.
„მეგობარი ქვეყნის - საქართველოს ეროვნულ დღესასწაულთან დაკავშირებით, მაქვს პატივი, თქვენო აღმატებულებავ, გულთბილი მილოცვები და საუკეთესო სურვილები გადმოგცეთ. ვსარგებლობთ შესაძლებლობით და კიდევ ერთხელ ვადასტურებთ კატარის სახელმწიფოსა და მეგობარ საქართველოს შორის არსებულ მჭიდრო ურთიერთობებს. ჩვენ მოუთმენლად ველით ერთობლივად მუშაობას ამ ურთიერთობების გასაძლიერებლად და გასავითარებლად საერთო ინტერესების ყველა სფეროში და უფრო ფართო პერსპექტივების დასახვისთვის, რაც ჩვენი მეგობარი ქვეყნებისა და ხალხების საერთო ინტერესებს ემსახურება.
თქვენო აღმატებულებავ, მიიღეთ ჩვენი საუკეთესო სურვილები თქვენი ჯანმრთელობისა და კარგად ყოფნისთვის, თქვენის ქვეყნის წინსვლისა და კეთილდღეობისთვის, ასევე ჩვენს მეგობარ ქვეყნებს შორის არსებული ურთიერთობების შემდგომი ზრდისა და განვითარებისთვის“, - აღნიშნავს კატარის სახელმწიფოს პრემიერ-მინისტრი, საგარეო საქმეთა მინისტრი მოჰამედ ბინ აბდულრაჰმან ბინ ჯასიმ ალ თანი.
