ხულოს მუნიციპალიტეტის მერი ვახტანგ ბერიძე მასწავლებელთა მე-6 მუნიციპალურ კონფერენციას დაესწრო
ხულოს მუნიციპალიტეტის მერი ვახტანგ ბერიძე მასწავლებელთა მე-6 მუნიციპალურ კონფერენციას დაესწრო.
კონფერენცია „სწავლა-სწავლებისა და განათლების მართვის თანამედროვე მიდგომები" თემაზე გაიმართა, რომლის მიზანსაც პედაგოგიური გამოცდილების გაზიარება, ინოვაციური და ციფრული მეთოდების დანერგვა სასწავლო პროცესში, ინკლუზიური განათლების პრინციპების ინტეგრაცია, კომპლექსურ დავალებებზე დაფუძნებული სწავლების ხელშეწყობა და სკოლებისა და კლასების ეფექტური მართვის პრაქტიკის გაზიარება წარმოადგენდა.
კონფერენციაში მონაწილეობას მუნიციპალიტეტის საჯარო სკოლის 57-მა პედაგოგმა მიიღო მონაწილეობა, რომლებმაც სხვადასხვა საგნობრივ სექციებში წარმოადგინეს საკუთარი გამოცდილება და პრაქტიკა. ყველა მონაწილეს გადაეცათ სერტიფიკატები.
ღონისძიებას აჭარის განათლებისა და სპორტის მინისტრი მაია ხაჯიშვილი, მინისტრის მოადგილე ირაკლი აბულაძე, აჭარის უმაღლესი საბჭოს წევრი მინურ პაქსაძე, ხულოს მუნიციპალიტეტის საკრებულოს თავმჯდომარე რენარ ბოლქვაძე, აჭარის განათლების ფონდის დირექტორი სულიკო თებიძე, ხულოს რესურსცენტრის უფროსი რამაზ გელაძე, ხულოს მუნიციპალიტეტის საჯარო სკოლის პედაგოგები, დირექტორები და ბათუმის მასწავლებელთა სახლის ტრენერები ესწრებოდნენ.
ინფორმაციას ხულოს მერია ავრცელებს.
იმედი
წყარო: imedinews.ge