ხვალ სომხეთში საპარლამენტო არჩევნები ტარდება - როგორია წინასაარჩევნო განწყობები. „ქრონიკა“ ერევნიდან

სომხეთში საპარლამენტო არჩევნებამდე ერთი დღე რჩება. საარჩევნო სისტემა შერეულია. მოქალაქეებს ბიულეტენში 18 პოლიტიკური პარტია და ალიანსი დახვდება. სომხეთში არჩევნებს გააშუქებს „ქრონიკა“.

დღეს კი სომხეთში სიჩუმის დღეა, რაც ნიშნავს, რომ საარჩევნო კამპანიის ჩატარება ან აგიტაცია აკრძალულია.

მოქალაქეები და მედია არჩევნებში ფავორიტ სამ ძირითადად კანდიდატს ასახელებენ. ეს არის: ნიკოლ ფაშინიანის პარტია - „სამოქალაქო კონტრაქტი“, მეორე ადგილს იკავებს სამუელ კარაპეტიანის ალიანსი „ძლიერი სომხეთი“ და მესამეა ყოფილი პრეზიდენტის რობერტ ქოჩარიანის ალიანსი „სომხეთი“.

„ქრონიკამ“ ცოტა ხნის წინ ექსკლუზიურად კითხვები დაუსვა ნიკოლ ფაშინიანს. სომხეთის პრემიერ-მინისტრს საქართველოს მიმართ თბილი გზავნილები ჰქონდა.

„მივესალმები საქართველოს. მიყვარს საქართველო და საქართველოს ყველა მოქალაქე. მიყვარხართ თქვენ, ყველანი“, - განაცხადა ფაშინიანმა.

მისივე თქმით, მომავალ არჩევნებში დემოკრატია და ხალხი გაიმარჯვებს.

დეტალებით მარიამ ქართველიშვილი ერევნიდან.