ხვიჩა კვარაცხელია: ემოციებს სიტყვებით ვერ გადმოვცემ - გამარჯვება დავიმსახურეთ, რადგან ბევრი მომენტი შევქმენით
იმედი|imedinews.ge
ეს უბრალოდ დაუჯერებელია, ემოციებს სიტყვებით ვერ გადმოვცემ, - განაცხადა ხვიჩა კვარაცხელიამ პსჟ-ის მიერ ჩემპიონთა ლიგაზე ზედიზედ მეორე გამარჯვების შემდეგ გამართულ პრესკონფერენციაზე.
მისი თქმით, მათ გამარჯვება დაიმსახურეს.
„ვამაყობ, რომ ამ კლუბის ნაწილი ვარ. რთული სეზონი გვქონდა, მაგრამ ყველამ ნახა როგორ დავასრულეთ. 11-მეტრიანების სერიაში გამართლება საჭიროა, თუმცა ასევე ბევრი ვარჯიშიც არის საჭირო და ჩვენ ეს გავაკეთეთ. გამარჯვება დავიმსახურეთ, რადგან ბევრი მომენტი შევქმენით. რაც შეეხება ტრავმას, ფეხი ორი დღის წინ ვარჯიშზე დავიზიანე და მტკიოდა, თუმცა ქართველები მებრძოლები ვართ და არასდროს ვნებდებით“, - აღნიშნა კვარაცხელიამ.
ხვიჩა კვარაცხელიას „პსჟ“ ჩემპიონთა ლიგის გამარჯვებულია.
გაზიარება:
იმედი
წყარო: imedinews.ge