კიმ ჩენ ინის დის განცხადებით, ჩრდილოეთ კორეა ბირთვული სახელმწიფოს სტატუსზე უარს არასოდეს იტყვის
ჩრდილოეთ კორეის ლიდერის დამ, კიმ იო ჯონმა განაცხადა, რომ ჩრდილოეთ კორეა ბირთვული სახელმწიფოს სტატუსზე უარს არასოდეს იტყვის.
Reuters-ის ცნობით, ეს განცხადება მან ჩინეთის პრეზიდენტის, სი ძინპინის ჩრდილოეთ კორეაში დაგეგმილი ვიზიტის ფონზე გააჟღერა. ჩინეთის საგარეო საქმეთა სამინისტროში უკვე დაადასტურეს, რომ სი ძინპინი ბოლო შვიდი წლის განმავლობაში პირველ შეხვედრას გამართავს კიმ ჩენ ინთან, რომლის დროსაც მხარეები ორმხრივ ურთიერთობებს განიხილავენ. ეს ვიზიტი მიზნად ისახავს ურთიერთობების მოწესრიგებას ჩრდილოეთ კორეასთან, რომელიც ხელშეკრულების თანახმად პეკინის ერთადერთი ოფიციალური მოკავშირეა.
თავის მხრივ, კიმ იო ჯონმა უარყო ინფორმაცია მაისის სამიტზე სი ძინპინსა და დონალდ ტრამპს შორის ფხენიანის დენუკლეარიზაციის შესახებ თითქოსდა მიღწეული შეთანხმების თაობაზე.
„ჩვენ გვაქვს ყველაზე ზუსტი ინფორმაცია იმის შესახებ, შეესაბამება თუ არა ეს მტკიცებები სიმართლეს“, - განაცხადა მან, თუმცა დეტალებზე არ უსაუბრია.
იმედი
წყარო: imedinews.ge