„კინოს სახლში“ გოგი თორაძის ახალი სარეჟისორო ნამუშევრის - „ქართული ფარიკაობა“ პრემიერა გაიმართა

„კინოს სახლში“ გოგი თორაძის ახალი სარეჟისორო ნამუშევრის პრემიერა გაიმართა. მოკლემეტრაჟიანი მხატვრულ-დოკუმენტური ფილმი „ქართული ფარიკაობა“, როგორც საქართველოში და ისე მის ფარგლებს გარეთ მოძიებულ საინტერესო საარქივო მასალას ეყრდნობა.

საქართველოს ფარიკაობის ფედერაციის მხარდაჭერით შექმნილი კინოსურათი მეოცე საუკუნის დასაწყისიდან დღემდე ქართული ფარიკაობის განვითარების სხვადასხვა ეტაპს მოიცავს. ფილმის გადაღებები ხუთი თვის განმავლობაში, თბილისში მიმდინარეობდა. „ქართული ფარიკაობა“ გოგი თორაძის მიერ სპორტულ თემატიკაზე შექმნილი რიგით 21-ე ფილმია.