კირ სტარმერის განცხადებით, რუსეთი 2030 წლისთვის ნატოს თავს დაესხმება
იმედი|imedinews.ge
დიდი ბრიტანეთის პრემიერ-მინისტრის კირ სტარმერის განცხადებით, 2030 წლისთვის რუსეთი მზად იქნება ნატოს თავს დაესხას.
მისი თქმით, ასეთი შეფასება ბრიტანული დაზვერვისა და ალიანსის სხვა წევრი ქვეყნების მონაცემებს ეფუძნება.
როგორც სტარმერმა აღნიშნა, ზუსტად ამის გამო დიდი ბრიტანეთი თავდაცვასა და სამხედრო პოტენციალის განვითარებაში ინვესტიციების განხორციელებას აჩქარებს.
სტარმერის თქმით, თავდაცვის სფეროში ახალი ინვესტიციების გეგმა ქვეყნის დაცვის შესაძლებლობების გაძლიერებას შეუწყობს ხელს. გარდა ამისა, როგორც მან აღნიშნა, თავდაცვის ხარჯების ზრდა დიდ ბრიტანეთში ახალი სამუშაო ადგილების შექმნას შეუწყობს ხელს.
გაზიარება:
იმედი
წყარო: imedinews.ge