კულტურის მინისტრის მოადგილე რიო-დე-ჟანეიროში „გლობოს“ მედიაჰოლდინგს ეწვია

საქართველოს კულტურის მინისტრის მოადგილე გიორგი მირცხულავა რიო-დე-ჟანეიროში „გლობოს“ მედიაჰოლდინგს ეწვია, სადაც კომპანიის წარმომადგენლებმა მას მედიისა და აუდიოვიზუალური წარმოების ინფრასტრუქტურა და საპროდიუსერო პავილიონები დაათვალიერებინეს.

ვიზიტის ფარგლებში, მინისტრის მოადგილე, ბრაზილიის ფედერაციულ რესპუბლიკაში საქართველოს ელჩთან, ზურაბ მჭედლიშვილთან და ქართული დელეგაციის წევრებთან ერთად „გლობოს“ მუშაობის სპეციფიკას, თანამედროვე ტექნოლოგიურ შესაძლებლობებს, ასევე სატელევიზიო და კინოპროდუქციის შექმნის პროცესს გაეცნო.

შეხვედრაზე მხარეებმა საქართველოსა და ბრაზილიას შორის მედიისა და კულტურის სფეროებში თანამშრომლობის გაღრმავების პერსპექტივებსა და გამოცდილების გაზიარების შესაძლებლობებზე იმსჯელეს.

ინფორმაციას კულტურის სამინისტრო ავრცელებს.