ლაშა დარსალია გლობალიზაციაზე: ყველა პროცესს ახლავს თავისი დადებითი და უარყოფითი მხარეები, მაგრამ სწორედ ამისთვის არსებობს დიალოგი, მოლაპარაკებები და საერთო ინტერესების ძებნა
ყველა პროცესს ახლავს თავისი დადებითი და უარყოფითი მხარეები, მაგრამ სწორედ ამისთვის არსებობს დიალოგი, ამისთვის არსებობს მოლაპარაკებები და საერთო ინტერესების ძებნა, - განაცხადა გადაცემაში „ღია ეთერი“ საგარეო საქმეთა მინისტრის მოადგილემ ლაშა დარსალიამ, რითაც უპასუხა სტუდიაში დასმულ კითხვას, ზღუდავს თუ არა გლობალიზაცია სახელმწიფო სუვერენიტეტს.
„როდესაც ქვეყნები ირჩევენ საერთო მომავალს, ეს ავტომატურად არ ხდება და სწორედ ამისთვის არსებობს მოლაპარაკებათა პროცესებიც, რათა შეჯერდეს საერთო ინტერესები და ურთიერთპატივისცემაზე დაფუძნებული საერთო მომავალი განისაზღვროს.
არსებობს სტრატეგიული ინტერესები - როდესაც არის სტრატეგიული ინტერესების თანხვედრა, ქვეყნები ირჩევენ საერთო მომავალს, თუმცა ეს არ ნიშნავს, რომ ავტომატურად, 100%-ით ემთხვევა ყველაფერი“, - აღნიშნა დარსალიამ.
იმედი
წყარო: imedinews.ge