ლატვიაში ტბაში დრონი ჩამოვარდა და აფეთქდა
ლატვიაში დრიდზისის ტბაში ამოუცნობი დრონი ჩამოვარდა და აფეთქდა. ინფორმაციას ადგილობრივი პოლიცია ავრცელებს.
პოლიციის ცნობით, დრონის აფეთქების მიზეზი წყალთან კონტაქტი გახდა. ინციდენტის შედეგად არავინ დაშავებულა. ადგილზე სამართალდამცველები არიან მობილიზებული და დრონის ნაწილებს სწავლობენ.
პოლიცია ადგილობრივ მოსახლეობას მოუწოდებს, დრონის ჩამოვარდნის ადგილს არ მიუახლოვდნენ. უცნობია, თუ ვის ეკუთვნოდა დრონი.
შემთხვევას ლატვიის პრემიერ-მინისტრის მოვალეობის შემსრულებელი ევიკა სილინია გამოეხმაურა. როგორც მან სოციალურ ქსელ X-ში დაწერა, ის მუდმივ კონტაქტზე იმყოფება შესაბამის სამსახურებთან.
„უწყებებისგან ველი უფრო კონკრეტულ ინფორმაციას მომხდარის გარემოებების შესახებ. მოსახლეობას მოვუწოდებ, თვალი ადევნოს ოფიციალურ ინფორმაციას“, - დაწერა სილინიამ.
ცნობისთვის, 7 მაისს ლატვიაში დრონი შეფრინდა, რომელიც ნავთობის რეზერვუარს მოხვდა. აღნიშნული ინციდენტის გამო ქვეყნის მმართველი კოალიცია დაიშალა, ხოლო მთავრობა გადადგა.
იმედი
წყარო: imedinews.ge