Le Figaro: სტივ უიტკოფმა და ჯარედ კუშნერმა კიევში ვიზიტისას განაცხადეს, რომ 18-20 სექტემბერს დაგეგმილი საპარლამენტო არჩევნების შემდეგ რუსეთი მზადყოფნას გამოთქვამს მოლაპარაკებების განახლებისთვის

აშშ-ის სპეციალურმა წარმომადგენლებმა, სტივ უიტკოფმა და ჯარედ კუშნერმა, კიევში ვიზიტისას განაცხადეს, რომ 18-20 სექტემბერს დაგეგმილი საპარლამენტო არჩევნების შემდეგ რუსეთი მზადყოფნას გამოთქვამს მოლაპარაკებების განახლებისთვის. ინფორმაციას ამის შესახებ ფრანგული გამოცემა Le Figaro ავრცელებს.

„ამერიკელებმა გვითხრეს, რომ საპარლამენტო არჩევნების შემდეგ რუსეთში გაჩნდება მოლაპარაკებების ახალი მზაობა და ამ კონტექსტში ჩვენც უნდა მოვემზადოთ მოლაპარაკებების ახალი ეტაპის დასაწყებად“, - განაცხადეს საფრანგეთის პრეზიდენტის ადმინისტრაციაში.

ელისეს სასახლის წყაროების ცნობით, საჭიროა „მზადება მოლაპარაკებების ახალი ეტაპისთვის“.

„უკრაინელები კმაყოფილნი დარჩნენ (სპეციალური წარმომადგენლების) ამ ვიზიტით კიევში“, - აცხადებენ პარიზში.

ასევე იუწყებიან, რომ ამერიკულმა მხარემ ომის დასასრულებლად ახალი, „უფრო ეფექტიანი“ წინადადებები წამოაყენა.