ლევან მაჭავარიანი: რაც ჩვენ ნოემბერ-დეკემბერის აქციებზე ვიხილეთ, ეს არ იყო მშვიდობიანი დემონსტრაცია, დატრენინგებული ახალგაზრდები პოლიციას აგინებდნენ, აფურთხებდნენ სახეში, ესროდნენ მოლოტოვის კოქტეილებს, ქვებს, ამას როგორ შეიძლება მშვიდობიანი აქცია დავარქვათ

რაც ჩვენ ნოემბერ-დეკემბერის აქციებზე ვიხილეთ, ეს არ იყო მშვიდობიანი დემონსტრაცია. მინიმუმ სამი საათი პოლიცია დგას გაუნძრევლად, მიდიან დატრენინგებული ახალგაზრდები, აგინებდნენ, აფურთხებდნენ სახეში, ესროდნენ მოლოტოვის კოქტეილებს, ქვებს. ამას როგორ შეიძლება მშვიდობიანი აქცია დავარქვათ, - განაცხადა გადაცემაში „ღია ეთერი“ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.

მისივე თქმით, აქციები რომ თვითორგანიზებული არ იყო, ეს სასამართლოს განჩინებით ჩატარებული ჩხრეკის შედეგებითაც დადასტურდა.

„აგენტურა ხომ ავრცელებდა, ეს თვითორგანიზებული იყოო, სასამართლო განჩინების საფუძველზე ჩხრეკები რომ ჩატარდა მდიდარი ენჯეოების, ოპოზიციური პარტიების ოფისებში, აბსოლუტურად ყველა ოფისიდან ხომ ამოიღეს პიროტექნიკა, მოლოტოვის კოქტეილები. იცით, რატომ? კარგად მომზადებულები იყვნენ“, - განაცხადა ლევან მაჭავარიანმა.