ლევან მახაშვილი: ჩვენი პარტნიორებიც მეტი პატივისცემით ეპყრობიან საქართველოს უსაფრთხოების სამსახურების საქმიანობას და ფრანგულ გამოცემაში გამოქვეყნებული სტატიაც სწორედ ამას აჩვენებს

ჩვენი პარტნიორებიც მეტი პატივისცემით ეპყრობიან საქართველოს უსაფრთხოების სამსახურების საქმიანობას და ესეც [სტატია] სწორედ ამას აჩვენებს, - განაცხადა პარლამენტის ევროპასთან ინტეგრაციის კომიტეტის თავმჯდომარე ლევან მახაშვილმა გადაცემაში „იმედი LIVE“.

წამყვანმა მას კითხვა დაუსვა ფრანგულ გამოცემაში გამოქვეყნებულ სტატიასთან დაკავშირებით.

„იყო გარკვეული მცდელობები ზოგიერთი ევროპული სახელმწიფოს მხრიდან, მაგრამ უსაფრთხოების სამსახურებს დღეს ბევრად მეტი შესაძლებლობა აქვთ, მაღალი პროფესიონალიზმით აწარმოონ საქმიანობა. ეს კარგად გამოაშკარავდა ამ სტატიითაც. ჩვენი პარტნიორებიც მეტი პატივისცემით ეპყრობიან საქართველოს უსაფრთხოების სამსახურების საქმიანობას და ესეც [სტატია] სწორედ ამას აჩვენებს“, - აღნიშნა მახაშვილმა.

ფრანგული გამოცემის ცნობით, საფრანგეთმა საქართველოდან დაზვერვის ორი აგენტი გაიწვია.