ლევან მახაშვილი:ეუთოს საპარლამენტო ასამბლეის სამუშაო პროცესში, რა თქმა უნდა, სანამ წითელი ხაზები ძალიან არ გადაიკვეთება, ვაპირებთ მუშაობას

ეუთოს საპარლამენტო ასამბლეის სამუშაო პროცესში, რა თქმა უნდა, სანამ წითელი ხაზები ძალიან არ გადაიკვეთება, ვაპირებთ მუშაობას, - განაცხადა გადაცემაში „იმედი Live” ევროპასთან ინტეგრაციის საპარლამენტო კომიტეტის თავმჯდომარემ ლევან მახაშვილმა ეუთოს საპარლამენტო ასამბლეის კენჭისყრის პროცესის პროტესტის ნიშნად დატოვებაზე საუბრისას.

მისივე თქმით, პროტესტის შემდეგ ბევრი დაინტერესდა რას ნიშნავდა საქართველოს ნაბიჯი.

„საერთაშორისო სამართალი ავად თუ კარგად მაინც საერთაშორისო სამართალია და ორგანიზაციებს, რომლებიც ამ პროცესს არეგულირებენ ჩვენ პატივს ვცემთ. სადაც შეგვეძლო, როგორც შეგვეძლო ჩვენი პოზიციები დავაფიქსირეთ კომიტეტების ფარგლებში, პოლიტიკური ჯგუფების ფარგლებში, განცხადებებით, მაგრამ იმ ფორმით რა ფორმითაც რეზოლუცია ჩაიდო ამ დეკლარაციაში, რა თქმა უნდა ჩვენ, მხარს ვერ დავუჭერდით. ამიტომ პროტესტის ნიშნად დეკლარაციის კენჭისყრის მონაკვეთი დავტოვეთ. ბევრი გამოგვეკიდა, ეს დატოვებას ნიშნავდა თუ რა იყო. რა თქმა უნდა ჩვენ ვუთხარით, რომ იმ კონკრეტულ კენჭისყრაში ფიზიკურად მონაწილეობას ვერ მივიღებდით, თუმცა რაც არის ეუთოს საპარლამენტო ასამბლეის სხვა სამუშაო პროცესი, რა თქმა უნდა, სანამ წითელი ხაზები ძალიან არ გადაიკვეთება, ვაპირებთ მუშაობას“, - განაცხადა ლევან მახაშვილმა.