ლევან მეხუზლა: გლობალურ ბაზარზე ამ ეტაპზე არცთუ ისე სახარბიელო მდგომარეობაა. მოხმარება კლებულობს მსოფლიო მასშტაბით. ამ ფონზე ერთიორად მნიშვნელოვანია, რომ ქართული ღვინო იყოს მაქსიმალურად გამორჩეული

„ძალიან მნიშვნელოვანია ამ დღის დაარსება და აღიარება და ის, რომ საქართველოში გვექება დღე, როდესაც აღვნიშნავთ ქართული ღვინის კულტურას, ქართული ვაზის კულტურას. დადასტურებულად საქართველო არის ღვინის სამშობლო. 8 000-წლიანი ისტორია არის ერთგვარი პასუხისმგებლობა იმის, რომ ქართველებს უნდა ჰქონდეთ განსაკუთრებული და საუკეთესო ღვინო“, - განაცხადა „დღის ქრონიკასთან“ ღვინის ეროვნული სააგენტოს თავმჯდომარე ლევან მეხუზლამ ღვინის ეროვნულ დღესთან დაკავშირებით.

მისი თქმით, გლობალურ ბაზარზე არსებული მდგომარეობის გათვალისწინებით, ძალიან მნიშვნელოვანია, რომ ქართული ღვინო იყოს გამორჩეული.

„ზოგადად, გლობალურ ბაზარზე ამ ეტაპზე არც თუ ისე სახარბიელო მდგომარეობაა. მოგეხსენებათ, რომ მევენახეობა - მეღვინეობის დარგს საკმაოდ დიდი გამოწვევა აქვს, როგორიც არის გლობალური დათბობა, გეოპოლიტიკური სიტუაცია და ა.შ. ასე რომ მოხმარება კლებულობს სამწუხაროდ მსოფლიო მასშტაბით. ამ ფონზე ერთიორად მნიშვნელოვანია, რომ ქართული ღვინო იყოს მაქსიმალურად გამორჩეული“, - განაცხადა ლევან მეხუზლამ.

მისი თქმით, იმისთვის, რომ ვენახი იყოს მაქსიმალურად ხარისხიანი საკმაოდ ბევრი სამუშაო და რეფორმა ტარდება.

ცნობისთვის, დღეს ღვინის ეროვნული დღისადმი მიძღვნილი კონფერენცია გაიმართა, სადაც სიტყვით საქართველოს პრეზიდენტი, პრემიერ-მინისტრი და გარემოს დაცვისა და სოფლის მეურნეობის მინისტრი გამოვიდნენ.