ლევან მეხუზლა: ღვინოს მხოლოდ ქართული ჯიშებით ვაკეთებთ მაშინ, როდესაც მსოფლიოში დომინირებს რამდენიმე საერთაშორისო - საფრანგეთიდან და იტალიიდან გავრცელებული ჯიშები

ღვინოს მხოლოდ ქართული ჯიშებით ვაკეთებთ მაშინ, როდესაც მსოფლიოში დომინირებს რამდენიმე საერთაშორისო - საფრანგეთიდან და იტალიიდან გავრცელებული ჯიშები, - განაცხადა გადაცემა „დღის ქრონიკაში“ ღვინის ეროვნული სააგენტოს ხელმძღვანელმა ლევან მეხუზლამ განაცხადა.

წამყვანმა ჰკითხა, რა სიახლეები აქვს ქვეყანას ყურძნის უნიკალური ჯიშების შესწავლის მხრივ და უძველესი ჯიშების შესწავლა როგორ გაზრდის ქართული ღვინის კონკურენტუნარიანობას.

„525 აბორიგენული ჯიშია საქართველოში. მოგეხსენებათ, ღვინოს მხოლოდ ქართული ჯიშებით ვაკეთებთ მაშინ, როდესაც მსოფლიოში დომინირებს რამდენიმე საერთაშორისო - საფრანგეთიდან და იტალიიდანაა გავრცელებული ჯიშები. ამ მხრივ საქართველოს აქვს კონკურენტული უპირატესობა, ის გენოფონდი, რაც დაცულია თუნდაც სახელმწიფო კოლექციაში, რომელიც გახლავთ გარემოს დაცვისა და სოფლის მეურნეობის კვლევითი ცენტრის კოლექცია ჯიღაურაში. ნებისმიერ სანერგეს შეუძლია ისარგებლოს ამ სიმდიდრით, გამოიყენოს ის მასალა, გენოფონდი, კვირტი, რომელიც სურვილის შემთხვევაში შეიძლება გავრცელდეს საქართველოში“, - აღნიშნა მეხუზლამ.