ლევან ნიკოლეიშვილი ჰერმან საბოს: 50 ათასი ადამიანი პარტიის მეშვეობით, სექტის საშუალებით დეზერტირად აქციეთ. ადამიანებს ეუბნებით, რომ სამშობლოს კი არ უნდა ემსახუროთ, უნდა ნახოთ გზა, რომ სამშობლოში არ იმსახუროთ, სამშობლოსთვის არ იმსახუროთ

50 ათასი ადამიანი პარტიის მეშვეობით, სექტის საშუალებით დეზერტირად აქციეთ, - ასე მიმართა გადაცემაში „ღია ეთერი-დებატები“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა პარტია „გირჩის“ წარმომადგენელს ჰერმან საბოს.

ნიკოლეიშვილის თქმით, ნეიტრალიტეტის შემთხვევაშიც საქართველოს უნდა ჰყავდეს სერიოზული ჯარი.

„50 ათასი ადამიანი პარტიის მეშვეობით, სექტის საშუალებით დეზერტირად აქციეთ. რას ნიშნავს დეზერტირი, თუ ამაში [განმარტებაში] შემეჯიბრებით, კიდევ ერთხელ მარტივად აგიხსნით. ადამიანებს ეუბნებით, რომ სამშობლოს კი არ უნდა ემსახუროთ, არამედ უნდა ნახოთ გზა, რომ სამშობლოში არ იმსახუროთ, სამშობლოსთვის არ იმსახუროთ. რა პრინციპით, რა მორალით მეუბნებით იმას, რომ ნეიტრალიტეტის შემთხვევაში საქართველოს არ ეყოლება ჯარი. კიდევ ერთხელ გეუბნებით, რომ აბსოლუტური წარმოდგენა არ გაქვთ იმის თაობაზე, თუ რა არის ნეიტრალიტეტი. საქართველოს არათუ არ უნდა ჰყავდეს, არამედ უნდა ჰყავდეს სერიოზული ჯარი, თავდაცვის სერიოზული სისტემა იმისთვის, რომ საჭიროების შემთხვევაში კონსტიტუციით განსაზღვრული უფლებები გამოიყენოს და ტერიტორიული მთლიანობა დაიცვას“, - მიმართა ლევან ნიკოლეიშვილმა ოპონენტს.