ლიბანის პრეზიდენტი: ბენიამინ ნეთანიაჰუს ომის დასრულებამდე არ შევხვდები
ლიბანის პრეზიდენტმა, ჟოზეფ აუნმა განაცხადა, რომ ისრაელის პრემიერ-მინისტრთან, ბენიამინ ნეთანიაჰუსთან შეხვედრას იქამდე არ გეგმავს, ვიდრე მხარეები საომარი მოქმედებების შეწყვეტაზე საბოლოო შეთანხმებას არ მიაღწევენ. ეს განცხადება პრეზიდენტმა ტელეკომპანია CNN-ისთვის მიცემულ ინტერვიუში გააკეთა.
„მე არ შევხვდები ნეთანიაჰუს მანამ, სანამ ომის დასრულების შესახებ შეთანხმება არ იქნება მიღწეული. ჩვენ ვეუბნებით ისრაელის მთავრობას, რომ სამხედრო გზა ვერასდროს უზრუნველყოფს ისრაელის ჩრდილოეთ ნაწილის უსაფრთხოებას“, - აღნიშნა ჟოზეფ აუნმა.
პრეზიდენტის თქმით, კონფლიქტის მოგვარების სხვა ალტერნატივა არ არსებობს და ლიბანი ახლა აქტიურად ცდილობს გამოიყენოს აშშ-ის პრეზიდენტის, დონალდ ტრამპის პირადი ინტერესი ამ დაპირისპირების დასრულების მიმართ.
ჟოზეფ აუნმა განმარტა, რომ ამ ეტაპზე განხილვის საგანს წარმოადგენს თავდაუსხმელობის ან უსაფრთხოების გარანტიების შესახებ შეთანხმება.
იმედი
წყარო: imedinews.ge