ლიეტუვის პრეზიდენტი: ევროპაში ამერიკელი სამხედროების რაოდენობა შემცირდება - ეს ნაწილობრივ უკავშირდება დონალდ ტრამპის განცხადებებსა და ამერიკული ადმინისტრაციის სიგნალებს იმის შესახებ, რომ ევროპამ საკუთარ თავდაცვაზე მეტი პასუხისმგებლობა უნდა აიღოს

ლიეტუვის პრეზიდენტმა, გიტანას ნაუსედამ განაცხადა, რომ თუმცა ამერიკელი სამხედროები ლიეტუვაში ბრუნდებიან, ევროპის კონტინენტზე აშშ-ის ჯარების საერთო რაოდენობა შემცირდება.

ლიეტუვის სახელმწიფოს მეთაურის თქმით, სწორედ ამიტომ ევროპამ საკუთარ თავდაცვაზე მეტი პასუხისმგებლობა უნდა აიღოს.

„ევროპაში ამერიკელი სამხედროების რაოდენობა შემცირდება. ეს ნაწილობრივ უკავშირდება აშშ-ის პრეზიდენტის, დონალდ ტრამპის განცხადებებსა და ამერიკული ადმინისტრაციის სიგნალებს იმის შესახებ, რომ ევროპამ საკუთარ თავდაცვაზე მეტი პასუხისმგებლობა უნდა აიღოს“, - განაცხადა ნაუსედამ.

მისი თქმით, ლიეტუვაში აშშ-ის ჯარების ყოფნა მნიშვნელოვანია არა მხოლოდ მათი სამხედრო პოტენციალის გამო, არამედ შეკავების მიზნითაც, რაც შესაძლო სამხედრო აგრესიის ალბათობას ამცირებს.

„უშუალოდ მათი ყოფნაც კი ამცირებს სამხედრო კონფლიქტის ან აგრესიის ალბათობას. ამიტომ მიმაჩნია, რომ უდიდეს პლუსად უნდა შევაფასოთ ის, რომ ეს გადაწყვეტილება საბოლოოდ მიღებულია“, - აღნიშნა ლიეტუვის პრეზიდენტმა.