ლომინაძე: თუ დღეს რუხის კლინიკაში სახელმწიფომ ვიყიდეთ სამი „ტესლას“ მაგნიტო-რეზონანსული ტომოგრაფი, ხვალ შეიძლება მოძველებული იყოს. გვჭირდება ორი მილიონი, რომ სულ ახალი აპარატები იყოს, რომელიც უზრუნველყოფს ახალი დიაგნოზების დასმას

ჯანდაცვა არის ძალიან სწრაფად განვითარებადი სფერო. თუ დღეს რუხის კლინიკაში სახელმწიფომ ვიყიდეთ სამი „ტესლას“ მაგნიტო-რეზონანსული ტომოგრაფი, რომელიც უზრუნველყოფს მთლიანად რეგიონის მომსახურებას, ხვალ შეიძლება უკვე მოძველებული აპარატი იყოს, - განაცხადა გადაცემაში „ღია ეთერი - დებატები“ ჯანდაცვის საპარლამენტო კომიტეტის თავმჯდომარე ზაზა ლომინაძემ.

მისი თქმით, სახელმწიფოს სჭირდება დაახლოებით, ორი მილიონი დოლარის ინვესტიცია იმისთვის, რომ სულ ახალ-ახალი აპარატები იყოს.

„ჯანდაცვა არის ძალიან სწრაფად განვითარებადი სფერო. თუ დღეს რუხის კლინიკაში სახელმწიფომ ვიყიდეთ სამი „ტესლას“ მაგნიტო-რეზონანსული ტომოგრაფი, რომელიც უზრუნველყოფს მთლიანად რეგიონის მომსახურებას, ხვალ შეიძლება უკვე მოძველებული აპარატი იყოს. კიდევ გჭირდება მილიონი, ორი მილიონი დოლარის ინვესტიცია იმისთვის, რომ სულ ახალ-ახალი აპარატები იყოს, რომელიც უზრუნველყოფს ახალი დიაგნოზების დასმას. 4 მილიონამდე ადამიანი ცხოვრობს საქართველოში და იმ დიდ კომპანიებს, რომლებიც წელიწადში იშვიათი დაავადების წამლის გამოგონებაზე ხარჯავენ 1 მილიარდ დოლარს, არ უღირთ, რომ 2-3 პაციენტისთვის [გაისარჯოს]“, - აღნიშნა ლომინაძემ.