მაღალი სიცხის გამო საფრანგეთში ალკოჰოლის მოხმარება შეიზღუდა
იმედი|imedinews.ge
საფრანგეთში ძლიერი სიცხის გამო 35 დეპარტამენტში განგაშის ნარინჯისფერი ნიშნული გამოცხადდა. სინოპტიკოსების პროგნოზით, ჰაერის ტემპერატურა +39 - 41 გრადუსს მიაღწევს.
ცენტრალურმა ხელისუფლებამ ამინდის პირობებზე რეაგირებისთვის უწყებათაშორისი მექანიზმი აამოქმედა. საგანგებო ზომების მიღებისთვის ემზადება საბანკო სექტორიც. ექსტრემალურმა სიცხემ შესაძლოა ხანძრები, წყალდიდობები და სხვა კატასტროფები გამოიწვიოს, რაც სადაზღვევო სისტემასა და საბანკო სექტორს ტვირთად დააწვება.
კრიზისული შეხვედრის შემდეგ, პრემიერ-მინისტრმა სებასტიან ლეკორნიუმ პრევენციული ზომის სახით კვირას, ყოველწლიურ მუსიკალურ ფესტივალზე და სხვა საჯარო ღონისძიებებზე ალკოჰოლის მოხმარებაზე შეზღუდვა დააწესა.
გაზიარება:
IM
იმედი
წყარო: imedinews.ge